GOVT. TECHNICAL HIGH SCHOOL, NERUVAMBRAM

മാലിന്യമുക്ത കേരളം പദ്ധതിയുടെ ഭാഗമായി ഏഴോം പഞ്ചായത്ത് നടപ്പിലാക്കുന്ന അഴകേഴും ഏഴോം പദ്ധതിയുടെ ഭാഗമായി നടത്തിയ പ്രത്യേക ശുചിത്വ അസംബ്ലി

ഈ വർഷത്തെ പ്രവേശനോൽസവം ഏഴോം ഗ്രാമപഞ്ചായത്ത് മെമ്പർ ശ്രീമതി ഉഷാ പ്രവീൺ ഉദ്ഘാടനം ചെയ്തു. പ്രസ്തുത ചടങ്ങിൽ സ്കൂൾ സൂപ്രണ്ട് ശ്രീ പ്രദീപ് കെ. അധ്യക്ഷം വഹിച്ചു. ശ്രീമതി പ്രിയദത്ത കെ.ആർ. (ഫോർമാൻ) സ്വാഗതവും ശ്രീ. വിനോദ് കുമാർ കെ. (വർക്ക്ഷോപ്പ് ഇൻസ്ട്രക്ടർ) നന്ദി പ്രകാശനവും നടത്തി. ശ്രീ. സുബീർ കുയ്യടിയിൽ, ശ്രീമതി ഷജി ഒ.എം., ശ്രീമതി രജിന കെ., ശ്രീമതി ബാബു ആർ എന്നിവർ ആശംസയും നേർന്നു.

2023 വർഷത്തെ ടി.എച്ച്.എസ്.എൽ.സി. പരീക്ഷയിൽ നെരുവമ്പ്രം ഗവ. ടെക്നിക്കൽ ഹൈസ്കൂൾ, മുൻവർഷങ്ങളിലെപ്പോലെ തന്നെ ഈ വർഷവും നൂറുമേനി കരസ്ഥമാക്കി. എഴുതിയ 45 വിദ്യാർത്ഥികളും പാസാകുകയും അതിൽ 6 വിദ്യാർത്ഥികൾക്ക് മുഴുവൻ വിഷയങ്ങളിലും A+ ലഭിക്കുകയും ചെയ്തു. വിജയിച്ച മുഴുവൻ വിദ്യാർത്ഥികളെയും 2023 മെയ് 25ാം തീയതി ബഹു. കല്ല്യാശ്ശേരി മണ്ഡലം എം.എൽ.എ. ശ്രീ. എം. വിജിൻ അനുമോദിക്കുകയുണ്ടായി. ഇതിനോടനുബന്ധിച്ചു നടന്ന വിദ്യാർത്ഥികളുടെ ഉപരിപഠനത്തിനു ആവശ്യമായി നിർദ്ദേശങ്ങളും വിവിധ മേഖലകളെ കുറിച്ചും അവബോധം നൽകുന്നതിനുള്ള കരിയർ ഗൈഡൻസ് ക്ലാസും നടത്തുകയുണ്ടായി.

കണ്ണൂർ ജില്ലയിൽ തളിപ്പറമ്പ്, പഴയങ്ങാടി എന്നീ നഗരങ്ങൾക്കിടയിലാണ് ഈ സ്ഥാപനം സ്ഥിതി ചെയ്യുന്ന നെരുവമ്പ്രം ടൗൺ. തളിപ്പറമ്പിൽ നിന്നും ഏകദേശം 10 കിലോമീറ്റർ ദൂരവും, പഴയങ്ങാടിയിൽ നിന്ന് 3 കിലോമീറ്റർ ദൂരവുമാണ് ഉള്ളത്. ഫുൾ അഡ്രസ് : Govt. Tehnical High School, Neruvambram, P.O. Pazhayangadi, Kannur - 670303 തളിപ്പറമ്പിൽ നിന്നും പഴയങ്ങാടി ബസ് കയറിയോ, പഴയങ്ങാടിയിൽ നിന്നും തളിപ്പറമ്പ് ബസ് കയറിയോ, നെരുവമ്പ്രം ടെക്നിക്കൽ ഹൈസ്കൂൾ സ്റ്റോപ്പിൽ ഇറങ്ങി 400 മീറ്റർ ദൂരം നടന്നു ഈ സ്ഥാപനത്തിലേക്ക് എത്തിച്ചേരാവുന്നതാണ്.